SA ika-anom nang veces liwat pinatos kan grupo ni alcalde Jesse M. Robredo kan Team Naga an “Ubos kun Ubos” sa eleccion kan Mayo 14, 2007 base sa partial unofficial result sa Operation Quick Count 2007 kan Naga City Jaycees asin PPCRV, mientras 11ng candidatong senador kan Genuine Opposition (GO) asin sarong TU an nakalaog sa magic 12.

        An Ubos kun Ubos ni Robredo nagpoon kan eleccion kan 1992, 1995, 1998, 2001, 2004 asin ngonian na 2007.

        Dai naka-afectar si disqualification case contra ki Robredo envez naglangkaw an saiyang voto.

        Natapos na sa Operation Quick Count iyo an 95 por ciento kan 356 na precento sa 27ng mga barangay kan ciudad.

        Si Robredo (LP) igwang 35,563ng voto, nagsunod si Jojo Villafuerte (KAMPI) - 10,895 asin Sadam Delfin - 138. Sa bise alcalde si Gabriel H. Bordado, 31,470 asin si Anlu Carpio - 12,879.

        Nangenotan sa mga candidatong consejales kan LP si John Bongat, 35,745; Esteban Abonal, 28,789; Bernadette Roco, 28,452; Lourdes Asence, 27,702; William del Rosario, 27,184; Nelson Legacion, 26,836; Jose Tuason, 26,605; Salvador del Castillo, 26,547; Nathan Sergio, 25,949; Maria Elizabeth Lavadia, 25,372. An nasa ika-onceng puesto si Ramon Perez dificil nang makalamang mientras nakakoa sana nin 9,636 na voto.

        Sa candidatong congressman si dating diputado Sulpicio S. Roco, Jr. nakakoa nin 24,340 asin si diputado Luis R. Villafuerte igwang 19,485.

        An City Board of Canvassers sa pamamayo ni Election Registrar Atty. Maico Julia Jr. nagpapadagos pa kan saindang canvassing sa session hall kan Sanggunian Panlungsod asin dai pa nagpapaluwas nin partial result.

        Sa senatorial candidate sa pagkasuronodan nangenotan si 1. senador Joker Arroyo, 2. Chiz Escudero, 3. Sonia Roco, 4. Kiko Pangilinan, 5. Noynoy Aquino, 6. Loren Legarda, 7. Manny Villar, 8. Alan Peter Cayetano, 9. Ping Laczon, 10. Gringo Honasan, 11. Antonio Trillanes, 12. Koko Pimentel.