PINALAKMA sa eleccion sa San Fernando, Camarines Sur an sarong veterano sa politica na completo sa makinarya asin campaign fund kan sarong dating lider kan Magdalo na si Capt. Fermin Mabolo.

        Natapos na an pagbilang kan election returns kan Municipal Board of Canvassers, alagad inu-ulang pa an proclamacion kan nadaog sa bilangan na si dating alcalde Eugenio Lagasca, Jr.

        Si Mabolo (UNO-LP) igwang 5,178 voto contra ki Lagasca (KAMPI) na may nakoang 5,148ng voto o may lamang sana nin 31ng voto.

        Na-abala pa an pag-poon kan canvassing kan MBC kan an abogado kan campo ni Lagasca pighurot na mag-inhibit an miembro kaini gikan sa DepEd sa sahot na kan panahon nin eleccion nagdistribuir nin pulletos ni Mabolo kan panahon kan carapanyahan.

        Igwa pang ibang tactica na abalahon an proclamacion sa plano na posibleng dai patukawon an ganador na candidatong alcalde.

        Igwa nang mga pig-aandam na priority project an elihidong alcalde alagad dai niya pa pigbulgar ta pighahalat pa an oficial na proclamacion kan Comelec.

        Si Mabolo, bagito pa sa politica tugang ni alcalde Sabas Mabolo.